SEO Xidməti Nədir və Nələri Özündə Birləşdirir, SEO necə edilir, SEO xidməti göstərən şirkət

SEO Xidməti Nədir və Nələri Özündə Birləşdirir?

SEO ingiliscə Search Engine Optimization sözlərinin birləşməsindən əmələ gəlib, “axtarış motoru optimizasiyası”  mənasına gəlir. Bəs SEO nədir? Sualına cavabı ən qısa belə vermək mümkündür: hədəflənən sözlər və açar sözlər əsasında müəyyən sektor üzərində axtarılan kəlimələrə görə axtarış motorlarında ön sıralarda çıxmaq və trafik sayında artım əldə etmək üçün tətbiq edilən işlərdir.

İnternetin həyatımıza daxil olması ilə birlikdə insanların hər şeyi internet üzərindən axtarmağa başlaması və hər keçən gün internetdən istifadə edənlərin sayının daha da artması ilə dəyəri inanılmaz dərəcədə yüksəlməkdədir. İstənilən sektor üzrə, istənilən açar sözə görə axtarış verilməsi və buna uyğun olaraq axtarılan məhsul və ya xidmətin tapılması məhz SEO sayəsində həyata keçirilir.

Hal-hazırda insanların hər gün istər mobil telefondan, istər komputer, istərsə də digər alətlərdən axtarış etdiyi zaman Google, Bing, Yandex kimi axtarış motorlarını istifadə etmələri bu tip sistemlərin nə dərəcədə önəmli olduğunu ortaya qoymaqdadır. Dünyanın istənilən nöqtəsindən, istənilən dildə axtarış edildiyi zaman əldə edilən nəticələr insanlar üçün bu axtarış motorlarının hansı səviyyədə əhəmiyyətli olduğunu və bunun daha artacağına işarədir.

SEO NECƏ EDİLİR?

Axtarış motorlarında önəmli yerə sahib olmaq və veb sayta daha çox trafik almaq üçün istifadə olunan SEO rəqəmsal marketinq mütəxəssilərinin işlərinin əsas hissəsini təşkil etməkdədir. SEO xidmətindən yararlanmaq üçün mütləq bu işi professionallara həvalə etmək lazımdır. Bİr çox hallarda qeyri-professional və ya həvəskarlar tərəfindən görülən SEO işləri həm zaman, həm pul, həm də güc itirilməsinə səbəb olur. Təbii ki, bunun yaşanmaması üçün professional şəkildə SEO xidməti göstərən şirkət və ya fərdlərlə işləmək tövsiyə edilir.Burada önəmli nüans isə, saytınızı optimizasiya edəcək şirkətin daha əvvəlki işlərini araşdırmaq və ən azından SEO-nun təməl bilgilərini bilmək lazımdır.

Optimizasiya işlərinə başlamadan öncə mütləq şəkildə bir strategiya qurulmalıdır. Strategiyanın qurulması üçün isə ilkin olaraq sizin hədəfləriniz müəyyən edilir və bunun əsasında qurulacaq olan strategiya tətbiq olunur.

SEO-nun təməl ünsürləri sayt daxili və sayt xarici olaraq 2 əsas kateqoriyada toplanır. Sayt daxili optimizasiya işlərinə bunlar daxildir: Sayt daxili parametrlər; Heading Tags; SEO dostu URL; Məqalə və ya bloqun daxili; Vizual, video və infoqrafiklərlə bol, mətnlərdə açar sözlərin olması; Saytın sürəti; Daxili link keçidləri.

Sayt xarici işlər isə demək olar ki, marka bilinirliyini artırmaq və PR aparmaq üçün istifadə olunur. Buraya bunlar daxildir: Backlink; Sosial Media İşləri; Rəqəmsal PR işləri.

DAHA YAXŞI SEO ÜÇÜN

Birinci olaraq, veb sayt axtarış məqsədli optimizasiya edilməlidir. Sayta yerləşdirilən  məqalə, bloq, vizual və ya videolarda doğru açar sözlərdən istifadə edilməlidir. Sayt daxili SEO işləri bitmədən sayt xarici optimizasiya işlərinə keçilməməlidir. Bunlarla yanaşı açar sözlərin və trafik tapılmasında kömək olan pullu və ya pulsuz proqramlardan istifadə etmək lazımdır. Sayt daxilindəki bütün məlumat və vizualların orjinal və keyfiyyətli olmasına diqqət yetirmək lazımdır.